“Bu, məşqçilik karyeramın ən vacib oyunlarından biridir” – Poçettino

Çempionlar Liqasının 1/4 final mərhələsində “Mançester Siti” ilə qarşılaşacaq “Tottenhem”in baş məşqçisi Maurisio Poçettino oyunla bağlı açıqlama verib.

Komanda.az xarici mətbuata istinadən xəbər verir ki, argentinalı mütəxəssis, karyerasının ən vacib qarşılaşmalarından birinə çıxacağını deyib:

“Mançester Siti” Avropanın və İngiltərənin ən yaxşı komandalarından biridir. Buna görə də, çox çətin oyun olacaq. Rəqibi yaxşı tanıyırıq və hazırlaşmaq üçün kifayət qədər vaxtımız oldu. Oyuna yüksək sürətlə başlamaq istəyirik. Edə biləcəyikmi, bunu oyunda görəcəyik.

Bu, məşqçilik karyeramın ən vacib oyunlarından biridir. “Mançester Siti” son bir neçə ildə bütün titulları qazana biləcək komanda yaradıb. Hazırda bütün titulları qazanmaq potensialı olan tək komanda “Mançester Siti”dir”.

“Tottenhem” – “Mançester Siti” matçı bu gün, saat 23:00-da start götürəcək.