Ronaldoya təşəkkür etdi – “Yuventus”

“Yuventus” klubu “Mançester Yunayted”ə keçən portuqaliyalı hücumçu Kriştiano Ronaldo ilə vidalaşıb.

Komanda.az xəbər verir ki, Turin təmsilçisi “tvitter” hesabı vasitəsilə 36 yaşlı futbolçuya təşəkkür edib.

Ronaldo 2018-ci ildən “Yuventus”da çıxış edirdi. O, bir neçə gün əvvəl “Mançester Yunayted” klubu ilə razılaşıb və yaxın zamanda rəsmi müqavilə imzalayacaq.

Ronaldo “Yuventus”la 133 oyunda 101 qol vurub.