“Onların sayəsində indi bu yerlərə çatmışam” – Mbappe

PSJ-nin futbolçusu Kilian Mbappe açıqlama verib.

Komanda.az xarici mətbuata istinadən xəbər verir ki, 21 yaşlı hücumçu, Paris klubundakı gələcəyiylə bağlı qərarını ailəsiylə birlikdə verəcəyini deyib:

“Bütün qərarları ailəmlə birlikdə veririk. Doğru yolun da bu olduğuna inanıram. Ailə insana hər zaman inkişaf etməyə kömək edir. Onların sayəsində indi bu yerlərə çatmışam.

Ailəm olmasaydı, bu yerlərə qədər gəlmək çətin olardı. Pis anlarında ailən səni hər zaman dəstəkləyir. Ailəm məni doğru yola gətirib. Onlarla olduğum üçün şanslıyam”.

Mbappenin PSJ ilə 2022-ci ilin yayına qədər müqaviləsi var. Klub rəhbərliyi hücumçuyla müqaviləni yeniləmək istəsə də, Mbappe hələ qərarını verməyib.