10 milyon avro ver, Poqbanı al

“Yuventus” Pol Poqbanı 10 milyon avroya buraxmağa hazırdır.

Komanda.az xəbər verir ki, bu barədə “La Gazzetta dello Sport” məlumat yayıb.

Daha əvvəl “Əl-İttihad”ın fransalı yarımmüdafiəçiyə 100 milyon avro qarşılığında 3 illik müqavilə və bonuslar təklif etdiyi bildirilirdi.

30 yaşlı futbolçu əslində Səudiyyə Ərəbistanının digər klubu “Əl-Əhli”dən təklif alıb. Ciddə klubu əvvəlcə zədə səbəbindən ötən mövsümün çox hissəsini buraxan futbolçunun vəziyyətini qiymətləndirmək istəyir.

Poqba “Yuventus”u tərk edib-etməyəcəyindən əmin deyil. O, Səudiyyə Ərəbistanı klubunun təklifini qəbul etmək qərarına gəlsə, “Yuventus” onu 10 milyon avroya satmağa hazır olacaq.

Poqba keçən yay azad agent kimi “Yuventus”a qayıtmışdı.