Spalettiyə yeni müqavilə təklif olunacaq

“Yuventus” rəhbərliyi baş məşqçi Luçano Spalettinin gördüyü işdən məmnundur və onunla əməkdaşlığı davam etdirməyə hazırlaşır.

66 yaşlı mütəxəssis 2025-ci ilin oktyabrının sonunda Turin komandasının “sükanı arxasına” keçib və mövsümün sonuna qədər müqavilə imzalayıb.

Komanda.az xarici KİV-ə istinadən xəbər verir ki, “Yuventus”un rəhbər şəxsləri komandanın son aylardakı inkişafından təsirləniblər və Spaletti ilə yeni müqavilə danışıqlarına başlamağı planlaşdırırlar.

Yaxın həftələrdə italiyalı çalışdırıcıya müddəti 2028-ci ilin ortalarına qədər olan yeni sözləşmə təklif olunacaq.

“Yuventus” hazırda A Seriyasında 19 turdan sonra 36 xalla turnir cədvəlinin 4-cü pilləsində qərarlaşıb.