Xorvatiya mətbuatı Dambrauskası yada saldı: “Bu, tarixi hadisədir”

Xorvatiya mətbuatında “Hayduk”un keçmiş baş məşqçilərinin hazırkı uğurları müzakirə edilərkən, Valdas Dambrauskasın “Sabah”dakı işi də qeyd edilib.

Komanda.az xəbər verir ki, “ındex.hr” portalı Dambrauskasın Azərbaycandan əvvəl fərqli ölkələrdə titul qazanmasını xatırladıb:

“Hayduk” demək olar ki, çempionluğu qazanmayacaq. Sona 6 tur qalmış onlar lider “Dinamo”dan 10 xal geridədirlər və vəziyyəti dəyişmək üçün möcüzə lazımdır. Amma hazırkı klublarında hələ də çempionluq titulu uğrunda mübarizə aparan keçmiş “Hayduk” məşqçiləri üçün vəziyyət fərqlidir.

Bu siyahıda birinci olaraq Valdas Dambrauskasın adını çəkmək olar. Litvalı uğura yaxındır. Mövsümün əvvəlindən bəri o, tarixi uğurun astanasında olduğu “Sabah”ı çalışdırır. Sona beş tur qalmış onlar ikinci yeri tutan “Qarabağ”dan 13 xal öndədirlər və hər şey plana uyğun gedərsə, inandırıcı şəkildə titul qazanmalıdırlar. Bu, tarixi hadisədir. Çünki “Sabah” cəmi səkkiz ildir fəaliyyət göstərən və tarixində heç vaxt çempionluq qazanmayan klubdur. İndiyə qədər ən yaxşı nəticəsi 2022/2023 mövsümündə inanılmaz üstünlüyü sona çatmaqda olan “Qarabağ”dan geri qalaraq ikinci yeri tutmasıdır. “Qarabağ” son 12 mövsümün 11-də Azərbaycan çempionluğunu qazanıb. Eynilə, Valdasın komandası kubokun yarımfinalında mübarizəni davam etdirir və yenidən “Qarabağ”la qarşılaşacaq.

Çempionatdan fərqli olaraq, “Sabah” ötən mövsüm finalda “Qarabağ”ı məğlub edərək kuboku qazanıb. Dambrauskas dubl edərsə, bu, onun karyerasında 11-ci və 12-ci kubokları olacaq. Azərbaycan həmçinin, kubok qazanan beşinci ölkəsi olacaq. O, əvvəllər Litvada “Jalqris”, Latviyada RFŞ, Bolqarıstanda “Ludoqorets” və Xorvatiyada “Hayduk”la kubok qazanıb”.