Voleybol: “Abşeron” qələbə qazandı

Qadın voleybolçular arasında Azərbaycan çempionatında daha bir oyun keçirilib.

Komanda.az xəbər verir ki, 13-cü turun matçında “Abşeron” “Milli Aviasiya Akademiyası” ilə üz-üzə gəlib.

Mükafatlar uğrunda mübarizə aparan nominal meydan sahibləri “tələbələr”ə qalib gəlib – 3:0 (25:10, 25:22, 25:17).

“Azərreyl” 33 xalla liderdir. “Murov Az Terminal” 29 xalla ikinci, “Abşeron” 27 xalla üçüncüdür. Növbəti sıralardakı “Gəncə”nin 13, “Milli Aviasiya Akademiyası”nın 9, UNEC-in isə 0 xalı var.