“Real” Vinisiusun agentləri ilə görüşəcək – Bu həftə

“Real” bu həftə hücumçusu Vinisius Juniorun agentləri ilə görüş keçirəcək.

Komanda.az xarici KİV-ə istinadən xəbər verir ki, danışıqların əsas mövzusu braziliyalı futbolçu ilə yeni – uzunmüddətli müqavilənin razılaşdırılması olacaq. Hazırkı anlaşmanın müddəti 2027-ci il iyunun 30-na qədərdir.

Daha əvvəl “Arsenal”ın Vinisiusun vəziyyətini yaxından izlədiyi və 25 yaşlı futbolçunun “Real”la yeni müqavilə imzalamayacağı təqdirdə, onun transferində maraqlı olduğu bildirilmişdi.