Rafinyadan karyerası ilə bağlı qərar

“Barselona”nın hücumçusu Rafinya klubdakı gələcəyi ilə bağlı qərarını verib.

Komanda.az “sport.es”-ə istinadən xəbər verir ki, braziliyalı futbolçu karyerasını Kataloniya klubunda davam etdirməkdə maraqlı olduğunu bildirib.

Tərəflər arasındakı hazırkı müqavilənin müddəti 2028-ci ilin yayında başa çatacaq. Rafinya bu yaxınlarda kataloniyalılarla yeni müqavilə ilə bağlı ilkin danışıqlar aparıb.

29 yaşlı futbolçu bu mövsüm 30 oyunda meydana çıxıb, 19 qol vurub və 8 məhsuldar ötürmə verib.