Qətər, dəvə və quş – Qrilişin təəssüratı

İngiltərə millisinin hücumçusu Cek Qriliş komandanın Qətərdə qarşılanma mərasimindən danışıb.

Komanda.az “talksport.com”-a istinadən xəbər verir ki, İngiltərə millisinin üzvü öncə dəvə ilə bağlı fikirlərini bölüşüb:

“Hamımıza gül verdilər. Bir dəvə var idi, onun belinə çıxdım. Bir də quş var idi. Hansı quş olduğunu bilmədim. Dəvə tamamilə ayağa qalxdı. O qədər yüksək idi ki, qorxdum. Mən onun üstünə çıxdım, amma bu qədər yüksək olacağını düşünmürdüm. Çox böyük idi”.

Futbolçu daha sonra otaqlarında qarşılaşdıqları mənzərəni şərh edib:

“Otaqlarımızda ailələrimizin fotoları olan çərçivələr var. Ailələrimiz anketləri doldurdular. Onlardan fotoşəkillər və əşyalar göndərmələri istənildi. Axşam saatlarında otaqlarımıza gəldik və şəkilləri gördükdə özümüzü evdəki kimi hiss etdik. Bu, çox yaxşıdır”.

Bizi Telegramda izləyin

Bizi izləyin Bizi Facebook-da izləyin

Əlaqəli yazılar

Back to top button