Poqba millinin oyunlarını buraxacaq

“Yuventus”un yarımmüdafiəçisi Pol Poqba Fransa millisinin iyun ayındakı oyunlarını buraxacaq.

Komanda.az xəbər verir ki, bu barədə GFFN məlumat yayıb.

İyunun 16-da fransızlar AÇ-2024-ün seçmə mərhələsi çərçivəsində səfərdə Cəbəllütariqlə qarşılaşacaqlar, 19-da isə Yunanıstanı qəbul edəcəklər. Poqba zədə səbəbindən bu oyunları buraxacaq. Komandanın baş məşqçisi Didye Deşam heyəti mayın 31-də elan etməlidir.

30 yaşlı yarımmüdafiəçi A Seriyasının 35-ci turunda, “Kremoneze” ilə matçda (2:0) zədə alıb. Onun omba nahiyəsindən aldığı zədə səbəbindən təxminən 20 gün meydana çıxmayacağı bildirilir.

Poqba 2022-ci ilin martından bəri Fransa millisində meydana çıxmayıb.