“Neftçi” Avstriyaya yollandı

“Neftçi” “Rapid” (Vyana) komandasına qarşı UEFA Konfrans Liqasının 3-cü təsnifat mərhələsinin cavab oyunu üçün Avstriyaya yollanıb.

Komanda.az xəbər verir ki, “ağ-qaralar”ı Vyanaya aparan təyyarə saat 09:10-da Heydər Əliyev Beynəlxalq Aeroportundan yola düşüb.

Yeni transfer Vato Arveladze də komanda ilə birlikdə səfərə yollanıb. 24 yaşlı gürcüstanlı oyunçu “Rapid”lə qarşılaşmalara sifariş olunmadığı üçün meydana çıxa bilməyəcək.

Sabah keçiriləcək oyun Bakı vaxtı ilə saat 22:30-da başlayacaq. İlk oyunda “Neftçi” 2:1 hesabı ilə qalib gəlib.