La Liqa klubunda yeni müqavilə

İspaniyanın “Betis” klubu hücumçusu Loren Moronla müqavilənin müddətini uzadıb.

Komanda.az xəbər verir ki, bu barədə La Liqa təmsilçisinin rəsmi saytı məlumat yayıb.

26 yaşlı ispaniyalı forvardla müddəti 2024-cü ilin yayında başa çatacaq yeni müqavilə imzalanıb. Əvvəlki müqavilənin müddəti 2022-ci ilin yayına qədər idi.

Karyerası ərzində “Estepona”, “Marbelya” və “Veles” klublarının da şərəfini qorumuş Moron, “Betis”də 2015-ci ildən çıxış edir.