Kyeza millinin düşərgəsindən ayrıldı

“Liverpul”un yarımmüdafiəçisi Federiko Kyeza DÇ-2026-nın pley-off mərhələsində oynamayacaq.

Komanda.az xarici KİV-ə istinadən xəbər verir ki, italiyalı futbolçu səhhətindəki problemlərə görə milli komandanın düşərgəsindən ayrılıb.

“Bolonya”nın futbolçusu Nikolo Kambiaqi “Liverpul”un yarımmüdafiəçisini əvəz etmək üçün heyətə çağırılıb.

İtaliya millisi martın 26-da 2026-cı il dünya kubokuna vəsiqə uğrunda pley-off-da Şimali İrlandiya yığması ilə qarşılaşacaq. Qalib komanda növbəti mərhələdə Uels və ya Bosniya və Herseqovina cütünün qazananı ilə üz-üzə gələcək.