Azərbaycan millisinin Slovakiya ilə oyun üçün heyəti SİYAHI

Futzal üzrə Avropa çempionatının seçmə qrup mərhələsi çərçivəsində aprelin 8-də Levice şəhərindəki idman zalında Slovakiya yığması ilə qarşılaşacaq Azərbaycan millisi bu gün səfərə çıxıb.

Komanda.az xəbər verir ki, Bakı-İstanbul-Budapeşt hava reysi ilə hərəkət edəcək komanda Macarıstanın paytaxtından oyunun keçiriləcəyi şəhərə avtobusla yollanacaq. Levice şəhərindəki “Astrum Laus” hotelində məskunlaşacaq millinin heyətində itkilər var.

Zədəli olan Bolinya və Hadi Ahmadi bu görüşdə komandaya kömək edə bilməyəcək. Buna görə də baş məşqçi Joze Alesio Da Silva 3-ü qapıçı olmaqla bu matçda 12 futzalçının xidmətindən istifadə edəcək. Yüngül zədəsi olan Amir Şojaei baş məşqçi şans verəcəyi təqdirdə, meydana çıxacaq. İki gün əvvəl məşqdə zədələnən Bolinya və Hadi Ahmadi isə müalicəsini Bakıda davam etdirəcək. Onların aprelin 14-də Yunanıstanla Bakıda keçiriləcək görüşə qədər hazır olacağı gözlənilir.

Qarşılaşma aprelin 8-də, Bakı vaxtı ilə saat 18:00-da keçiriləcək.

1 Rövşən Hüseynli – Araz-Naxçıvan
2 Emin Kürdov – EKOL
3 Cavad Məmmədov – Neftçi İK
4 Xətai Bağırov – Araz-Naxçıvan
5 Rizvan Fərzəliyev – Araz-Naxçıvan
6 Fineo De Arauxo – Araz-Naxçıvan
7 İsa Atayev – Araz-Naxçıvan
8 Amir Şojaei – Araz-Naxçıvan
9 Ramiz Çovdarov – Araz-Naxçıvan
10 Tofiq Mikayılov – EKOL
11 Eduardo Borqes – ACCSS FUTSAL (Fransa)
12 Everton Kardoso – Levante (İspaniya)