Dembeledən PSJ ilə bağlı açıqlama

“Barselona”nın vingeri Osman Dembele PSJ-nin ona olan marağına münasibət bildirib.

Komanda.az İspaniya mətbuatına istinadən xəbər verir ki, fransalı futbolçu “Barselona”da xoşbəxt olduğunu deyib:

“Bir neçə ay əvvəl “Barselona” ilə müqaviləmi yenilədim. Burada xoşbəxtəm və bu klubda oynamağa davam etmək istəyirəm. PSJ? Xeyr, özümü “Barsa”da yaxşı hiss edirəm. Baş məşqçi Xavi və klub rəhbərliyi mənə inanır. Onların mənə olan inamını hiss edirəm”.

25 yaşlı futbolçu 2022-ci ilin yayında “Barselona” ilə müqaviləsini 2024-cü ilin yayına kimi uzadıb.

O, bu mövsüm 22 oyunda 6 qol vurub və 7 məhsuldar ötürmə edib.