“Bu oyunda futbola aid hər şey var idi”

“Sabah”ın baş məşqçisi Ramin Quliyev Azərbaycan Premyer Liqasının 22-ci turu çərçivəsində “Səbail”ə qarşı keçirdikləri oyunu şərh edib.

Komanda.az xəbər verir ki, o, 0:0 hesabıyla bitən matçdan sonra təşkil olunan mətbuat konfransında bunları söyləyib:

  • Maraqlı və baxımlı oyun keçdi. Futbola aid hər şey var idi. Çoxlu qol imkanlarımız var idi. Baxmayaraq ki, heç-heçə oldu. Futbolçular futbola aid hər şeyi göstərdi. Buna görə uşaqlara təşəkkür edirəm. Futbola yanaşmaları, meydanda sona qədər mübarizə aparmaqları məni sevindirdi.
  • Qol problemini necə həll edəcəksiz?
  • Vaxt lazımdır ki, hər bir şeyi tam otuzduraq. Bunun üzərində daha çox çalışmalıyıq ki, problemi aradan qaldıraq.
  • Bir futbol mütəxəssisi kimi baxsaz, Ramin Quliyev daha əvvəldən komandanı çalışdırsaydı, indi turnir cədvəlində daha yaxşı yerlərdə olardıq deyə, düşünürsüz?
  • Sözsüz, bu oyun sizin verdiyiniz sualın bariz nümunəsidir. Hər şeydə bir xeyir var. Yəqin məsləhət belə imiş ki, məni indi gətiriblər.

Şahin Cəfərov