“Barselona” Reşford üçün 30 milyon avrodan keçməyə razıdır

“Barselona” “Mançester Yunayted”dən icarəyə götürdüyü hücumçu Markus Reşfordun müqaviləsini daimi etmək niyyətindədir.

Komanda.az xarici KİV-ə istinadən xəbər verir ki, Kataloniya klubu ingiltərəli futbolçunun müqaviləsini 30 milyon avro qarşılığında satın alacaq ki, bu da icarə müqaviləsində göstərilmiş şərtdir.

Həmçinin, “Barselona” artıq Reşford üçün müddəti 2030-cu ilə qədər nəzərdə tutulmuş yeni müqaviləni hazırlayır.

Reşford cari mövsümdə kataloniyalıların heyətində bütün turnirlər üzrə 27 oyuna çıxıb, 7 qol vurub və 11 məhsuldar ötürmə verib.

“Barselona” hazırda 19 turdan sonra 49 xalla La Liqanın turnir cədvəlinə başçılıq edir.