Çempionlar Liqasının oyunu üçün Moskvaya getdi, evi qarət olundu

İspaniyanın “Atletiko” klubunun futbolçusu Tomas Parteyin evi qarət olunub.

Komanda.az xəbər verir ki, qanalı yarımmüdafiəçinin Boadile-del-Montedə yerləşən evi bir qrup şəxs tərəfindən soyulub. Hadisə, Partey Çempionlar Liqasının “Lokomotiv”lə oyunu üçün Moskvada olarkən baş verib.

Oğrular evdə olan bütün pulları və qiymətli əşyaları oğurlayıblar.

“Lokomotiv” – “Atletiko” oyunu bu gün, saat 23:00-da start götürəcək.