“Son oyunlarda onun üçün darıxdıq” – Qrizmann

“Barselona”nın futbolçusu Antuan Qrizmann açıqlama verib.

Komanda.az xəbər verir ki, klubun rəsmi saytına danışan fransalı futbolçu, koronavirus səbəbiylə dayandırılan La Liqanın bərpası və uzun müddətdir zədəli olan Luis Suareslə bağlı danışıb:

“La Liqanın bərpasını dörd gözlə gözləyirdik. Rəsmi oyunlara çıxmağımızdan uzun müddət keçib. İlk oyun üçün yaxşı hazırlaşdığımızı düşünürəm. Bu fasilə mənim üçün yaxşı oldu, istirahət edə bildim. Zehni və fiziki olaraq etdiyim son istirahətdən 5 il keçib. Azarkeşlər olmadan, oyunlar qəribə olacaq, amma o atmosferə öyrəşməli olacağıq. Qarşıda 11 oyunumuz var və hamısında qalib gəlsək, çempion olacağıq.

Luis Suares Lionel Messi ilə birlikdə oyunlarda fərq yaradan bir futbolçudur. Son oyunlarda onun üçün darıxdıq. Suares kimi futbolçuya sahib olduğumuz üçün çox xoşbəxtik”.