“Real” “Milan”lı üçün 50 milyon avro təklif edəcək

“Milan”ın qapıçısı Canluici Donnarumma yay transfer pəncərəsi dövründə komandadan ayrıla bilər.

Komanda.az xəbər verir ki, bu barədə “Tuttosport” nəşri məlumat yayıb. Xəbərdə, 21 yaşlı futbolçunun “Real”ın hədəfində olduğu bildirilib. Madrid klubu Donnarumma üçün “Milan”a 50 milyon avro təklif edəcək.

“Real”ın baş məşqçisi Zinəddin Zidan qapıçı Tibo Kurtuanın performansından razı deyil. Bu səbəbdən, fransız mütəxəssis Donnarummanın transfer edilməsini istəyir.

Donnarummanın “Milan”la müqaviləsi 2021-ci ilin yayına qədərdir.