Poqba “Bernli” ilə matçda niyə olmayıb?

“Mançester Yunayted”in baş məşqçisi Ole-Qunnar Sulşer Premyer Liqanın 20-ci turunda “Bernli” ilə qarşılaşdıqları matçda Pol Poqbanın oynamamasının səbəbini açıqlayıb.

Komanda.az xarici mətbuata istinadən xəbər verir ki, norveçli mütəxəssis, Poqbaya istirahət verdiyini deyib:

“Çox oyun keçirən oyunçularımız var. Biz də fərqli futbolçulardan istifadə edirik. Poqba uzun zaman zədəli olduqdan sonra ardıcıl iki görüşə çıxdı. Bu səbəbdən də istirahət verməyin düzgün olacağına qərar verdik”.

“Mançester Yunayted” “Bernli”ni səfərdə 2:0 hesabıyla məğlub edib.