“İnter” Lukakunun əvəzləyicisini Londonda tapdı

“İnter” qış fasiləsində heyətini yeni futbolçuyla gücləndirmək istəyir.

Komanda.az xəbər verir ki, “neradzurra” “Çelsi”dən Olivye Jirunu heyətinə qatmaq niyyətindədir. Bu barədə İtaliya mətbuatı məlumat yayıb. “İnter” fransız hücumçunu Romelu Lukakuya əvəzləyici kimi düşünür.

Artıq Jiru və “İnter” rəhbərliyi arasında danışıqların başladığı bildirilir. “Çelsi” ilə mövsümün sonuna qədər müqaviləsi olan 33 yaşlı forvard da London təmsilçisindən ayrılmaq istəyir.

Jiru bu mövsüm “Çelsi” forması ilə 6 oyuna çıxıb.