“Barselona”dan “İnter” üzərində əzmkar qələbə

Bu gün UEFA Çempionlar Liqasında qrup mərhələsinin 2-ci turuna yekun vurulub.

Komanda.az xəbər verir ki, ilk oyun günündə 8 qarşılaşma keçirilib.

A qrupunun ilk oyununda PSJ-yə 0:3 hesabıyla məğlub olan “Real”, bu dəfə “Brügge”ni qəbul edib. Madrid təmsilçisi bu oyunda da məğlub olmaqdan son anda qurtulub. PSJ isə “Qalatasaray” səfərinə yollanıb. Fransa nəhəngi bu oyunda minimal hesabla üstün olub.

B qrupunda yer alan “Tottenhem” və “Bavariya” komandaları Londonda üz-üzə gəlib. Doqquz qolluq qarşılaşma Münhen təmsilçisinin qələbəsiylə yekunlaşıb. Qrupun digər oyununda isə “Olimpiakos” “Srvena Zvezda”nın qonağı olub. Bu matçda isə meydan sahibləri əzmkar qələbəyə seviniblər.

D qrupunda səfərdə Moskva “Lokomotiv”i ilə qarşılaşan “Atletiko” inamlı qələbə qazanıb. “Yuventus” isə “Bayer”lə oyunda darmadağınla qalib gəlib.

Qrup mərhələsinin 2-ci turuna bu gün keçirilən 8 qarşılaşma ilə yekun vurulub.

Turnirin son qalibi “Liverpul” doğma arenasında “Zalsburq”u qəbul edib. Bol qollu qarşılaşma son çempionun qələbəsiylə başa çatıb. Qrupun digər matçında ilk turda “Liverpul”a qalib gəlmiş “Napoli” səfərdə “Genk”lə heç-heçəyə razılaşıb.

Günün ən diqqətçəkən oyununda “Barselona” “İnter”lə qarşılaşıb. Qonaqlar bu oyunda erkən qolla hesabı açsalar da, Kataloniya təmsilçisi ikinci yarıda məğlubiyyətdən xilas olmağı bacarıb. Matçın sonlarında daha bir qol vuran meydan sahibləri əzmkar qələbə qazanıblar. Qrupun digər oyununda Dortmund “Borussiya”sı səfərdə “Slaviya”nı məğlub edib.

“Ayaks” səfərdə “Valensiya”nı darmadağın edib. H qrupunun digər matçında “Çelsi” səfərdə “Lill” üzərində çətin qələbəyə sevinib.

Çempionlar Liqası, qrup mərhələsi, 2-ci tur

1 oktyabr

A qrupu

Real (İspaniya) – Brügge (Belçika) 2:2
Qol: S.Ramos, 55. Kazemiro, 85 – Dennis, 9; 39.

Qalatasaray (Türkiyə) – PSJ (Fransa) 0:1
Qol: İkardi, 52.

C qrupu

Atalanta (İtaliya) – Şaxtyor (Donetsk, Ukrayna) 1:2
Qol: Sapata, 29 – Moraes, 41. Solomon, 90+5.

Mançester Siti (İngiltərə) – Dinamo (Zaqreb, Xorvatiya) 2:0
Qol: Sterlinq, 66. Foden, 90+5.

B qrupu

Tottenhem (İngiltərə) – Bavariya (Almaniya) 2:7
Qol: Son, 12. H.Keyn, 61-pen – Kimmix, 15. Levandovski, 45; 87. Qnabri, 53; 55; 83; 88.

Srvena Zvezda (Serbiya) – Olimpiakos (Yunanıstan) 3:1
Qol: Vuliç, 63. Milunoviç, 87. Boakye, 90 – Semedo, 37.

D qrupu

Lokomotiv (Moskva, Rusiya) – Atletiko (İspaniya) 0:2
Qol: J.Feliks, 48. Tomas, 58.

Yuventus (İtaliya) – Bayer (Almaniya) 3:0
Qol: İquayn, 17. Bernardeski, 62. Ronaldo, 89.

2 oktyabr

E qrupu

Genk (Belçika) – Napoli (İngiltərə) 0:0

Liverpul (İngiltərə) – Zalsburq (Avstriya) 4:3
Qol: Mane, 9. Robertson, 25. Salah, 36; 69 – Hvanq, 39. Minamino, 56. Haland, 60.

F qrupu

Slaviya (Praqa, Çexiya) – Borussiya (Dortmund, Almaniya) 0:2
Qol: Hakimi, 35; 89.

Barselona (İspaniya) – İnter (İtaliya) 2:1
Qol: L.Suares, 58; 84 – L.Martines, 3.

G qrupu

Zenit (Rusiya) – Benfika (Portuqaliya) 3:1
Qol: Dzyuba, 22. Dias, 70-öz qapısına. S.Azmun, 78 – De Tomas, 85.

Leyptsiq (Almaniya) – Lion (Fransa) 0:2
Qol: Depay, 11. Terrye, 65.

H qrupu

Lill (Fransa) – Çelsi (İngiltərə) 1:2
Qol: Osimhen, 33 – Abraham, 22. Villian, 78.

Valensiya (İspaniya) – Ayaks (Hollandiya) 0:3
Qol: Ziyex, 8. Promes, 34. Van de Bek, 67.

Bombardir: Serj Qnabri (Bavariya), Erlinq Haland (Zalsburq) – 4 qol.