“Mançester Yunayted” braziliyalı qapıçını izləyir

“Mançester Yunayted” “Botafoqo”nun braziliyalı qapıçısı Con Viktorla maraqlanır.

Komanda.az xarici KİV-ə istinadən xəbər verir ki, “qırmızı şeytanlar”ın nümayəndəsi bu yaxınlarda keçirilən “Botafoqo” – “Palmeyras” matçında Con Viktorun oyununu izləyib.

“Transfermarkt” portalı 29 yaşlı qolkiperin dəyərini 8 milyon avro qiymətləndirir. O, 2023-cü ildə İspaniyanın “Valladolid” klubunda icarə əsasında oynayıb.

Hazırda “Mançester Yunayted”də əsas qapıçı vəzifəsini yerinə yetirən Andre Onana səhvlərə görə tənqid olunur. Buna görə də, klub yeni qapıçı axtarışındadır.