NTD “Abşeron”a qalib gəldi

Azərbaycan Basketbol Liqasının 11-ci turunda NTD “Abşeron”a qalib gəlib.

Komanda.az xəbər verir ki, A qrupunun matçında birincilər 87:77 hesablı qələbəyə seviniblər.

Günün digər oyunlarında “Naxçıvan” “Neftçi” ilə münasibətlərinə aydınlıq gətirəcək. Bu görüşün start fiti saat 16:30-da səslənəcək.

Günün son görüşündə isə “Sumqayıt” “Ordu”nu sınağa çəkəcək. Sumqayıt Olimpiya İdman Kompleksində keçiriləcək B qrupunun qarşılaşması saat 19:00-da başlayacaq.

Turun açılış matçında “Sabah” “Sərhədçi”ni 85:78 hesabı ilə məğlub edib.