Romario: “Barselona”nın oyununa diqqət etməmək çətindir”

Braziliyalı keçmiş futbolçu Romario La Liqa çempionluğu uğrunda mübarizə ilə bağlı proqnozunu bölüşüb.

Komanda.az “Mundo Deportivo”-ya istinadən xəbər verir ki, o, keçmiş klubu “Barselona”nın çıxışını yüksək qiymətləndirib:

“Mən adətən böyük futbol azarkeşi deyiləm, amma “Barselona”nın oyununa diqqət etməmək çətindir. “Barselona”nın əla komandası var. Düşünürəm ki, bu mövsüm yenidən çempion olacağıq.

Rafinya dünyanın ən yaxşılarından biridir. Braziliyalılar onunla fəxr edirlər”.

Kataloniya klubu noyabrın 23-də səfərdə “Selta” ilə qarşılaşacaq. “Barselona” hazırda La Liqada “Real”ı 6 xal qabaqlayır.