Flik: “Bu, De Yonq üçün çox vacib addımdır”

“Barselona” Çempionlar Liqasına uğursuz startdan sonra özünü bərpa edib. Kataloniya təmsilçisi “Monako”ya uduzduğu ilk tur matçından sonra 2-ci turda İsveçrənin “Yanq Boyz” komandasına 5 qol vurub.

Matçın sonunda niderlandlı yarımmüdafiəçi Frenki de Yonq meydana çıxıb. O, zədə səbəbindən uzun müddətdən sonra qayıdıb.

Komanda.az Kataloniya klubunun rəsmi saytına istinadən verir ki, komandanın baş məşqçisi Hans-Diter Flik De Yonqun qayıtmasından məmnundur:

“Bu, onun üçün çox vacib addımdır. Başlamaq üçün bir az oynamalıdır. İndi onun tam reabilitasiyası üçün daha çox vaxta ehtiyacı var. Amma mən şadam ki, o, oyunu hiss edə bildi”.