“Bu “qızıl top” nominasiyası hələ başlanğıcdır”

“Barselona”nın vingeri Lamin Yamal “qızıl top”a namizədlər siyahısına salınması xəbərinə münasibət bildirib.

Komanda.az “Barca Buzz”-a istinadən xəbər verir ki, ispaniyalı futbolçu “Barselona”da əla mövsüm keçirdiyini deyib:

“Barselona”da əla mövsüm keçirdim. Bu “qızıl top” nominasiyası hələ başlanğıcdır. Mən daha çox çalışmaq və komandama fayda vermək istəyirəm”.

17 yaşlı vinger İspaniya çempionatının yeni mövsümündə 4 oyunda 1 qol vurub və 4 məhsuldar ötürmə edib. Yamal bu yay Avropa çempionatını qazanan İspaniya millisinin əsas oyunçularından biri olub.

“Qızıl top” mükafatının qalibi ilin sonunda elan olunacaq.