Ançelotti: “Məsuliyyəti üzərimə götürməyə hazıram”

“Real”ın baş məşqçisi Karlo Ançelotti komandasının yeni çempionatda uğursuz startı haqda fikirlərini bölüşüb.

Komanda.az AS-a istinadən xəbər verir ki, italiyalı çalışdırıcı komandanın xarakter və münasibət baxımından yaxşı olduğunu bildirib:

“Komanda xarakter və münasibət baxımından yaxşıdır. Bəzən sadəcə qalib gələ bilmirsən. Problem yarananda məsuliyyəti baş məşqçi öz üzərinə götürməlidir. Mən bunu etməyə hazıram. Strategiyanı oyunçularıma daha açıq şəkildə izah etməliyəm ki, tam aydınlıq olsun. Bu üç matç düzəltməli olduğumuz çatışmazlıqları göstərdi”.

“Real” La Liqanın ilk üç turundan sonra 2 heç-heçə edib, 1 dəfə qalib gəlib. Komanda turnir cədvəlində 5 xalla 5-ci pillədə qərarlaşıb.