Flik: “Olmo bizə çox kömək edəcək”

“Barselona”nın baş məşqçisi Hans-Diter Flik komandaya yeni gələn ispaniyalı yarımmüdafiəçi Dani Olmonun hazırkı durumundan danışıb.

Komanda.az ESPN-ə istinadən xəbər verir ki, almaniyalı çalışdırıcı Olmonun növbəti matça hazır olacağına ümid etdiyini bildirib:

“Ümid edirəm ki, Olmo növbəti matça hazır olacaq. Bu futbolçu bizə çox kömək edəcək. O, əla oyunçudur. Məşq zamanı onun nə qədər yaxşı olduğunu görürük. Onunla müqavilə imzaladığımız üçün şadıq”.

Olmo bu yay 55 milyon avro qarşılığında “Leyptsiq”dən Kataloniya nəhənginə keçib. 26 yaşlı yarımmüdafiəçi “Barselona” ilə 6 illik müqavilə imzalayıb.