“Qarabağ” Qana millisinin hücumçusunu transfer edib?

Qana millisinin hücumçusu Emmanuel Boatenqin “Qarabağ”a keçdiyi haqda məlumatlar yayılıb.

Komanda.az xəbər verir ki, futbolçunun bir sıra internet resurslarında, həmçinin “Vikipediya”dakı səhifəsində hazırkı klubu kimi Azərbaycan çempionu göstərilir.

Amma “Qarabağ” bu oyunçunun transferi ilə bağlı heç bir rəsmi açıqlama yaymayıb.

Boatenq karyerası ərzində “Rio Ave”, “Moreyrense”, “Levante”, “Dalian” kimi klublarda oynayıb. O, 2022-ci ildə yenidən qayıtdığı “Rio Ave”dən bu yay azad agent kimi ayrılıb.

Emmanuel Qana yığmasında 6 oyuna 1 qol vurub.