Şəhidlərin xatirəsinə həsr edilmiş minifutbol turnirinə start verilib – FOTO

Bu gün Abşeron rayonunun Saray qəsəbəsindəki 2 nömrəli məktəbin meydançasında şəhidlərin xatirəsinə həsr olunmuş minifutbol turnirinin açılış mərasımi keçirilib.

Komanda.az xəbər verir ki, turnir 12 komandanın iştirakıyla, iyun ayının əvvəlinə kimi davam edəcək.

Mərasimi açıq elan edən məktəbin direktoru Səkinə Abbasovanın çıxışından sonra hərəsi bir şəhidin adını daşıyan komandalar meydançaya dəvət olunub.

Daha sonra şəhidlərin valideyinləri çıxış ediblər və turnir iştirakçılarının hər birinə uğurlar arzulayıblar.

Sonda açılışda iştirak edən komanda üzvləri şəhid anaları, şəhid ataları və digər qonaqlarla xatirə şəkli çəkdiriblər.

Fəxri Rüstəmli