Klopp: “Belə düşünmək axmaqlıqdır”

“Liverpul”un baş məşqçisi Yurgen Klopp “Mançester Yunayted”lə oyundan (2:2) sonra komandasının turnir cədvəlində 2-ci pilləyə düşməsinin çempionluq titulu uğrunda mübarizə baxımından vacib olub-olmaması sualını cavablandırıb.

Komanda.az klubun rəsmi saytına istinadən xəbər verir ki, almaniyalı mütəxəssis 38-ci turdan sonra birinci yerdə olmaq istədiklərini bildirib:

“Yeganə vacib olan 38 turdan sonra nə baş verməsidir. Qulaq asın, həm jurnalistlər, həm də azarkeşlər deyə bilər ki, top fərqimizi yaxşılaşdırmalıyıq, çünki “Arsenal”da bu daha yaxşıdır. Amma belə düşünmək axmaqlıqdır. Sadəcə seçimlə hər matçda 8 qol vura bilməzsən. Biz olduğumuz kimiyik. Və buna görə də, biz yarışdayıq. Həmişə çətin olacağını bilirdim. Dünən gecəyə qədər cədvəldə birinci idik, indi “Arsenal” oradadır. 38-ci turdan sonra 1-ci yerdə olmaq istəyirik”.