“Messini saxlaya bilirsizsə, mənə deyin”

Uruqvay millisinin baş məşqçisi Marselo Byelsa Argentina yığması ilə keçiriləcək oyun haqda fikirlərini bölüşüb.

Komanda.az “ITASportPress”-ə istinadən xəbər verir ki, argentinalı mütəxəssis etiraf edib ki, rəqib komandanın hücumçusu Lionel Messini necə dayandıracağını bilmir:

“Messini saxlaya bilirsizsə, mənə deyin. Mən bilmirəm. O, dünyanın ən yaxşı oyunçusudur. İndiyə qədər heç kim onu ​​dayandıra bilməyibsə, yəqin ki, belə bir düstur yoxdur”.

Argentina – Uruqvay görüşü 17 oktyabrda, saat 04:00-da start götürəcək.