PSJ-nin sahibi şərtini açıqlayacaq – Mbappenin anası ilə görüşdə

PSJ-nin sahibi Nasser Əl-Xələfi yaxın günlərdə komandanın hücumçusu Kilian Mbappenin anası Faiza Lamari ilə görüşəcək.

Komanda.az “Relevo”-ya isitinadən xəbər verir ki, görüşdə 24 yaşlı futbolçunun gələcəyi müzakirə ediləcək. Əl-Xələfi bu görüşdə klubun israrlı olacağını və fransalı oyunçunun yalnız iki seçimi olduğunu bildirəcək: indi getmək və ya yeni müqavilə imzalamaq.

Mbappe 2017-ci ildən PSJ-də çıxış edir. O, komandanın heyətində 260 matçda 212 qol vurub və 98 məhsuldar ötürmə edib. Daha əvvəl Mbappenin PSJ ilə müqaviləni daha bir mövsüm uzatmaq variantından imtina etdiyi bildirilirdi.