“Son dəqiqələrdə vurulan qələbə qolu unudulmaz olur”

“Liverpul”un futbolçusu Dioqo Jota İngiltərə Premyer Liqasının 34-cü turunun “Tottenhem”lə matçını (4:3) şərh edib.

Komanda.az “BBC Sport”-a istinadən xəbər verir ki, əsas vaxtın sonuna əlavə edilmiş 4-cü dəqiqədə “qırmızılar”ın qələbə qolunu vuran hücumçu, bunun unudulmaz olduğunu deyib:

“Mənim və komandam üçün vacib an idi. Son dəqiqələrdə vurulan qələbə qolu unudulmaz olur. 3:0 hesabı ilə öndə olmağımıza baxmayaraq, rəqibin hesabı bərabərləşdirməsi üçün imkan yaratmağımız pisdir. Hər şeyə rəğmən, 4-cü qolu vurduq. Ümid edirəm ki, bu, belə davam edəcək”.

Mersisayd təmsilçisi hazırda İngiltərə çempionatının turnir cədvəlində 56 xalla 5-ci, “Tottenhem” isə 54 xalla 6-cı yerdədir.