“Bəli, bu, ən yaxşı futbol deyildi” – Klopp

“Liverpul”un baş məşqçisi Yurgen Klopp Premyer Liqanın 8-ci turunun “Çelsi” ilə təxirə salınmış oyunu (0:0) haqda danışıb.

Komanda.az İngiltərə mətbuatına istinadən xəbər verir ki, alman məşqçi oyunu çox bəyəndiyini bildirib:

“Ehtiras baxımından oyunu çox bəyəndim. Bəli, bu, ən yaxşı futbol deyildi. Amma bu uşaqlar həqiqətən yaxşı futbolçulardır və bu matçda ən yaxşı tərəflərini göstərdilər. Mən altı əvəzetmədən çox narahat idim, xüsusən də bu oyunda. Lakin onlar yaxşı çıxış etdilər. Rəqib də qələbə çalmaq istəyirdi, biz də. Amma bir xal qazanmalı olduq”.

“Liverpul” İngiltərə Premyer Liqasında 28 oyundan sonra 43 xalla 8-ci yerdədir. “Çelsi” isə 29 oyundan sonra 39 xalla 11-ci yerdə qərarlaşıb.