“İşimin təhlükə altında olduğunu hiss etmirəm” – Alleqri

“Yuventus”un baş məşqçisi Massimiliano Alleqri komandanın Çempionlar Liqasındakı çıxışını şərh edib.

Komanda.az “Goal”-a istinadən xəbər verir ki, italiyalı mütəxəssis fərq yaratmalı olduqlarını deyib:

“Burada işimin təhlükə altında olduğunu hiss etmirəm. Futbolda belə məqamların olması normaldır. Biz çox çalışmalı və fərq yaratmalıyıq. Bundan əlavə, hazırda çox vacib oyunçularımız zədəlidir”.

“Yuventus” Çempionlar Liqasının qrup mərhələsinin 2-ci turunun matçında “Benfika”ya uduzub (1:2). Bu, Turin klubunun turnirdə ikinci məğlubiyyətidir.

İki turdan sonra “Yuventus” bir xal belə qazanmadan H qrupunda sonuncu yerdə qərarlaşıb. Komanda ÇL-də növbəti turda “Makkabi” (Hayfa, İsrail) ilə qarşılaşacaq.