UEFA-nın yeni reytinq siyahısı

UEFA-nın yeni reytinq siyahısı açıqlanıb.

Komanda.az xəbər verir ki, cədvəldə bəzi dəyişikliklər olub.

“Qarabağ” Konfrans Liqasının pley-off mərhələsinin ilk matçında səfərdə “Marsel”ə uduzduğundan (1:3), ölkəmizin aktivinə xal əlavə olunmayıb. Azərbaycan siyahıda əvvəlki kimi, 26-cı pillədə qərarlaşıb. Hesabımızda 17,000 xal var.

Şotlandiya (34,500) 9-cu, Danimarka (26,975) 15-ci, Çexiya (26,800) isə 17-ci pilləyə kimi irəliləyib.

Rusiya (34,282) 10-cu, Türkiyə (26,900) 16-cı, Yunanıstan (26,700) və Xorvatiya (26,650) müvafiq olaraq 18-19-cu sıraya düşüb

Siyahıya 100,641 xalla İngiltərə başçılıq edir.