Xavi: “Dembele ya yeni müqavilə imzalamalıdır, ya da…”

“Barselona”nın baş məşqçisi Xavi hücumçu Osman Dembelenin klubdakı gələcəyi haqda fikirlərini bildirib.

Komanda.az xəbər verir ki, ispan mütəxəssis, fransalı futbolçunu sata biləcəklərini söyləyib:

“Dembele ilə bağlı çətin və qarışıq vəziyyət yaranıb. O, qalmaq istədiyini desə də, bu yöndə heç nə etmir. Klub belə qənaətə gəlib ki, müqaviləni yeniləməsə, necəsə həll yolu tapılacaq. Onu çox gözlədik, danışıqlar beş ay davam etdi. Klubun maraqları hər şeydən üstündür. Dembele ya yeni müqavilə imzalamalıdır, ya da bu ay onu satacağıq”.

Dembele ilə “Barselona” maliyyə şərtlərində razılığa gələ bilmir.