Nedveddən Ronaldo və Pirlo ilə bağlı açıqlama

“Yuventus” klubunun vitse-prezidenti Pavel Nedved açıqlama verib.

Komanda.az xarici mətbuata istinadən xəbər verir ki, Nedved, mövsümün sonunda komandadan ayrılacağı iddia edilən baş məşqçi Andrea Pirlo və Kriştiano Ronaldo ilə bağlı bunları deyib:

“Ronaldo “Yuventus”da qalacaq. O, toxunulmazdır. Bundan başqa, Pirlo da işinin başında olacaq. O, yeni mövsümdə də komandanın baş məşqçisi olacaq”.

“Yuventus” A Seriyasında 3-cü sıradadır. Mövsümün sonunda həm Ronaldonun, həm də Pirlonun komandadan ayrılacağı iddia edilirdi.