Tuxeldən “Everton” üzərində qələbəyə şərh

“Çelsi”nin baş məşqçisi Tomas Tuxel Premyer Liqanın 27-ci turunda “Everton”u məğlub etdikləri matçdan sonra fikirlərini bildirib.

Komanda.az xarici mətbuata istinadən xəbər verir ki, alman mütəxəssis, 2:0 hesabıyla qələbə qazandıqları görüşü belə şərh edib:

“Qələbəyə layiq idik. İlk hissədə çətinlik çəksək də, ümumilikdə oyuna nəzarət bizdə idi. İkinci hissədə səviyyəmizi artırdıq və daha çox hücumlar etdik.

Kay Havertsdən razıyam, ona inanırıq. Ona olan ümidlərimizi doğruldur. Komandanın əsas parçalarından biridir və irəliyə doğru addım atır”.

“Çelsi” Premyer Liqada 4-cü sıradadır.