“Bu, görünməmiş bir şeydir” – Sarri

“Yuventus”un baş məşqçisi Mauritsio Sarri İtaliya kubokunun finalında “Napoli”yə məğlub olduqları matçdan sonra fikirlərini bildirib.

Komanda.az xəbər verir ki, Sarri, məğlubiyyətin səbəbini koronavirus pandemiyasına görə yaranmış fasiləylə əlaqələndirib:

“Futbolçular, klub rəhbərliyi və azarkeşlər nəticəyə görə məyusdur. Hazırda optimal fiziki formamız yoxdur. Bir neçə dəyişiklik etdik, qol vurmaq üçün çalışdıq, alınmadı. Hücumlarımızın kəsərini artırmaqda çətinlik çəkirdik. Ardıcıl iki oyunumuz 0:0 hesabıyla bitdi. Bu, görünməmiş bir şeydir. Düşünürəm ki, bunun səbəbi yaranmış fasilədir”.

“Napoli” – “Yuventus” matçının əsas vaxtı qolsuz başa çatıb. Bu üzdən də, komandalar qalibi müəyyənləşdirmək üçün birbaşa penalti seriyasına keçiblər. 11 metrlik zərbələri daha dəqiq yerinə yetirən “Napoli” İtaliya kubokunun qalibi olub.