“Tottenhem” baş məşqçisi ilə vidalaşdı

“Tottenhem” baş məşqçisi Tomas Frankla müqaviləsini ləğv edib.

Komanda.az xəbər verir ki, bu barədə “The Athletic” məlumat yayıb.

Frankın istefasına səbəb son oyunlarda komandadakı uğursuz nəticələr olub. Londonlular son 5 matçdan yalnız birində qələbə qazana bilib. Komanda hazırda Premyer Liqada 26 xalla turnir cədvəlinin 16-cı pilləsində qərarlaşıb.

52 yaşlı mütəxəssis 2025-ci ilin iyulundan “Tottenhem”ə rəhbərlik edirdi. O, əvvəllər “Brentford”, “Bröndbi” və Danimarkanın U-21 komandalarında çalışıb.