Tanınmış şərhçi “Qarabağ” – “Ayntraxt” matçı haqda: “Məncə, hər iki komanda qol vuracaq”

Tanınmış futbol şərhçisi Aleksey Andronov UEFA Çempionlar Liqasının 7-ci turunda keçiriləcək “Qarabağ” – “Ayntraxt” oyunu ilə bağlı gözləntilərini bölüşüb.

Komanda.az “RB Sport”-a istinadən xəbər verir ki, o, Frankfurt təmsilçisinin şanslarını daha yüksək qiymətləndirib:

“Bu matçda “Ayntraxt”ın şansı var, çünki daha nüfuzlu komandadır. Amma hesab edirəm ki, əsas diqqət vurulacaq qollara yönəlməlidir. Məncə, hər iki komanda qol vuracaq”.

“Qarabağ” – “Ayntraxt” matçı bu gün saat 21:45-də, Tofiq Bəhramov adına Respublika stadionunda start götürəcək.