Şahruddinin komandasında növbəti ayrılıq

Azərbaycan millisinin qapıçısı Şahruddin Məhəmmədəliyevin də formasını geyindiyi “Adana Dəmirspor”dan daha bir futbolçu ayrılıb.

Komanda.az xəbər verir ki, bu barədə klubun mətbuat xidməti məlumat yayıb.

29 yaşlı müdafiəçi Kevin Rodriqes Super Liqa təmsilçisi ilə vidalaşıb. Tərəflər müqaviləyə qarşılıqlı razılaşma əsasında xitam veriblər.

Daha əvvəl müdafiəçi Endryu Qravillo və yarımmüdafiəçi Yunes Belhanda da Adana klubundan ayrılmışdı.