Sabiq futbolçu Arbeloanı təriflədi: “Real” Alonsonun dövründə belə deyildi”

“Real”ın sabiq hücumçusu Xorxe Valdano Madrid klubunun oyununda baş verən dəyişiklikləri şərh edib.

Komanda.az xarici KİV-ə istinadən xəbər verir ki, o, yeni baş məşqçi Alvaro Arbeloanın komandada futbolçuların motivasiyasını artırmaq və ruh yüksəkliyini bərpa etmək baxımından əla iş gördüyünü bildirib:

“Vilyarreal”la oyunda (2:0) komandada nümayiş olunan motivasiya heyrətamiz idi. Futbolçular 1-ci dəqiqədən 90-cı dəqiqəyə qədər tam birləşmişdilər. Bu, Xabi Alonsonun (keçmiş baş məşqçi) dövründə belə deyildi. Onun vaxtında futbolçular 20-25 dəqiqə baş məşqçinin tapşırıqlarını yerinə yetirirdi, sonra isə komanda dağılır, diqqətini itirirdi və nəticədə zəif oyun göstərirdi”.

Valdano, həmçinin, bunları deyib:

“Arbeloanın dövründə futbolçular daha çox özlərini oyuna verirlər. Onlar daha rahatdırlar. Alonsonun vaxtında komandada nə baş verdiyini bilmirəm, amma bir şey dəyişdi. Məncə, Arbeloa bunu başa düşür və vəziyyəti düzəldir”.