Sabiq futbolçu “Qarabağ”ın rəqibini tənqid etdi: “Basketbol oynayır”

“Liverpul”un sabiq müdafiəçisi Cimi Karrager komandanın UEFA Çempionlar Liqasındakı uğursuzluğunu sərt tənqid edib.

Arne Slotun komandası ikinci turda səfərdə “Qalatasaray”a 0:1 hesabı ilə uduzub. Oyunun taleyini 16-cı dəqiqədə Viktor Osimhenin penaltidən vurduğu qol həll edib.

Komanda.az xəbər verir ki, Karrager matçdan sonra BBC-yə açıqlamasında belə deyib:

“Bu komandada top-səviyyəni görmürəm. “Liverpul” futbol yox, basketbol oynayır. Bunu mən hələ “Bornmut”la ilk oyundan sonra Arne Slota da demişdim. İndi isə baş məşqçi göstərməlidir ki, ona verilən pulları niyə alır. Məncə, o da bunu yaxşı anlayır”.

“Liverpul” ardıcıl ikinci dəfə məğlub olub. Komanda Premyer Liqada “Kristal Palas”a 1:2 hesabı ilə uduzmuşdu.

“Qırmızılar” “Qarabağ”ın UEFA Çempionlar Liqasındakı rəqiblərindən biridir.