“Sabah”ın Yusif İmanova görə apellyasiya müraciəti təmin olunmayıb

AFFA Apellyasiya Arbitraj Tribunalı “Sabah” klubunun şikayətini təmin etməyib.

Komanda.az AFFA-nın rəsmi saytına istinadən xəbər verir ki, paytaxt təmsilçisi sabiq qapıçısı Yusif İmanovla bağlı qərardan narazı qalsa da, müsbət cavab almayıb.

Oyunçuların Statusu və Transferi Komitəsinin “Yusif İmanov – Sabah Futbol Klubu” işi ilə əlaqədar ötən il dekabrın 3-də 8604 saylı qərarı qüvvədə saxlanılıb.

Ötən ilin sonunda Oyunçuların Statusu və Transferi Komitəsi “Sabah”ın İmanova 10 000 manat ödəməsi ilə bağlı qərar çıxarıb. Qapıçı hazırda “Kəpəz” klubunda çıxış edir.